嗰個喺十畿年前嘅事囖，壹日晏晝啱從泥氹擒出嚟，突然接到聽日要去某局開會嘅通知，據說要為我市雕塑發展獻計獻策。雖然眼尾露出疲憊，心入面不知幾猴擒，睇落今次開會昧又喺剝下花生，食下生果啫。四圍望望唔見有識得爬格仔嘅文化人，嗱嗱啉利用院長嘅身份電話指示遠係越秀山下單位屈質辦公室中壹位擔屎唔偷食嘅後生仔。

　　同面黑黑成副撈唔掂個款嘅後生仔組織壹份“大計”。左指示右吩咐，呢頭自己嘅陳詞濫調諗完又諗，嗰邊改完又改。

　　搞掂！洗腳換褲出雕塑廠，夜晚連馟揾損友開飯，好好商議壹輪。

　　第二日，帶埋單位嘅著名雕塑家，橫扂成竇人壹鍋熟了，按指示去到某局會議室。咦咦咦，自己嘅老師居然亦喺度喔，對面仲有幾位唔係甘熟嘅專家，中坑老坑壹應俱全。正係度睇甘老人家矍廝嘅神態，壹個年輕人走昨入嚟，穩穩陣陣坐喺主席位。生面孔，大家又係偷偷睇名牌又係聽介紹--原嚟喺新上任嘅鍋局。

　　其實我好鬼敬佩鍋局，記得佢喺從科長到處長再升上局長，以前開會成日見佢斟茶遞水笑騎騎，但又唔係人哋嘅視線範圍內。

　　好，會議開始！慣例對面嘅專家先係大談羊城悠久嘅歷史，我記得仲大講其研究廣府商貿嘅光輝歲月。嗰邊講完，雕塑家們開始嚌嚌喳喳，亦大談持續發展，橫扂要搞，出力搞呀，發行搞呀，但系冇錢呀，嘿呀嘿。

　　正係大家墟墟冚冚準備將會議拉向美術研討會嗰種五彩斑鑭七國咁亂嘅時候，後生鍋局長發話了，佢謙虛鄭重又平靜緩和甘對大家表示，自己後生，在坐嘅好多專家都唔多識得佢，佢原先只喺個小人物，坐係後面，但已經經歷很多次咁樣嘅雕塑會議了。連馟數盡“醫委會”嘅過往。嘿，果然係淡淡定，有錢剩嘅老中醫！

　　於是乎，大家都唔敢睇低呢位年輕人了，亦係度詁佢跟住落嚟係唔係圓個場，議題繼續？冇幾耐，後生鍋局聲線依然緩慢又清晰：“我哋舊時都有 '醫委會'，但係妳哋搞呢嗰個時嗰個話唔好，搞嗰個個嘅時呢嗰又話唔好。呢個老師話嗰個老師嘅雕塑唔好，嗰個老師又話呢個嘅雕塑唔好。嗰個老師話佢自己時日唔多要起個人雕塑公園。要求政府解決用地同資金嘅問題，講嚟講去都係自己嘅事幹。所以，打後就乜嘢都唔搞了。”佢用咗＂妳哋＂。面上嘅蘋果肌亦冇太大嘅起伏。在坐冚奉冷甩嗮嘴！老前輩吞啖口水，將準備好嘅口水花噴噴都收嗮返去；中年嘅瞠大隻眼，怐愗木獨；唯壹嘅青年人聲線依然緩慢而清晰--呢嗰就喺我的嘅鍋局。

　　收屘，會議依然圓滿結束了，我尋日啰啰嗦嗦指示“黑面神”搞嘅“大計”其實亦係鍋局預料之中，冇嚒新意，唔提罷就。查實辛苦咗嗰位臨時工白做壹日，有啲啲後悔，但我哋啲雕塑家又鬼甘孤寒，酸酸颼颼，唔肯俾酬勞，揾笨最肋。打後叫助手摞袋米，壹罐油，壹條廁紙，睇起身好大份，啱嗮送人。點知送禮時又揾唔到人了。